ابتسمت بدور بنعومة: ادري, بس كذا.. الجو يابنت خالتي كئيب.. غصب عني و الله... : تكفين يالحساسة, الا انا متأكده ان فيه شي ثاني........ : هديل! صليتي العشاء ؟..... : لا لسه, ليه تسألين قامت بدور واقفه: بروح اصلي, قبل يزيدون الحريم.. خليج عند امي وخالاتي لانروح كلنا.. سندت هديل ظهرها للكنبه وهي تلف طرحتها: اوووكي يللا " قامت بدور طالعه للمغسلة اللي برا.. كانت تبي تبتعد بأي طريقة, ماتقدر تكون معاهم ويمهم, ماتقدر تقول لهم وتوصف لهم احساسها, لايمكن احد يعرف شي.. لايمكن..! " ركّت يديها على المغسلة وسرحت شوي, ودموعها بدت تنزل مره ثانيه.. وتردد في بالها " لاتضعفين! لاتضعفين! بعد هالسنوات اللي مرت كلها,, انت مفروض تكونين أقوى " فتحت الصنبور وغسلت وجهها بسرعه, كأنها ناسية انها بتتوضى, نشفت وجهها ووقفت تسحب هوا لصدرها ينعشها شوي.. كان الشتا ضيف.. والجو بادي يصير حلو.. الهوا بارد شوي,, ويرد الروح.. بس أي روح!! وجهت انظارها للكراج,, مكان السيارة اللي بدا الغبار يغطيها.. كلنا في الهوا سوا شاديه. ورجعت دموعها تنزل.. وحركت شفايفها بصوت مبحوح وعيونها متعلقه على السيارة ونطقت " الله يرحمك ياخالي " "يرحمك ؟ من قلبج هالدعوة ؟ " التفتت بدور لمصدر الصوت.. وشافت شخص ماشافته لها فوق الخمس سنوات.. بس تذكره زين, ومستحيل تنسى.. لو تمر مليون سنة.. ارتجفت بدور ورجعت لوراها بخوف,, تتلفت تدور احد في المكان غيرهم.. نواف وهو ينسف الشماغ لورا وبعيونه ألم: بدور ؟ لفت عنه بسرعه لأنها كانت متحجبه.. بس هو لو متغطية بيعرفها, ومستحيل بينسى ابتسم نواف.
راحت تركض بإتجاه المدخل الرئيسي وهي تكره نظرات المتابعة من فواز توقفت لحظة ( زينة تركضين لمين!